Чингисийн өргөн чөлөө, Яармагийн гүүрний зүүн талаас Ажилчны гудамжны уулзвар хүртэлх авто замыг өргөтгөн шинэчлэх ажил хийгдэж байна. Тус ажлын хүрээнд замын зорчих хэсгийн суурь болон өнгө хучилтыг бүрэн гүйцэтгээд байгаа юм. Мөн цэвэр ус, холбоо, дулаан болон борооны ус зайлуулах шугамыг хүчитгэж, гэрэлтүүлгийг шинээр суурилуулжээ.

Тус замыг өргөтгөснөөр 14 метр байсан өргөн нь 21 метр болон нэмэгдэж байгаа бөгөөд Чингисийн өргөн чөлөөний авто замын түгжрэлийг бууруулахад өндөр ач холбогдолтой юм.

Төслийн ерөнхий гүйцэтгэгчээр “Анда рөүд” ХХК ажиллаж байна.